ހުޅުދުއްފާރު ކައުންސިލްގެ 15ވަނަ ޤުރްއާން މުބާރާތް މިރޭ ފެށެނީ

2024ވަނަ އަހަރުގެ ޤުރްއާން މުބާރާތުގެ ތެރެއިން - ފޮޓޯ: ހުޅުދުއްފާރު ކައުންސިލް
Admin User
Admin User
2 ހަފްތާ ކުރިން
1 މިނިޓް

ހުޅުދުއްފާރު ކައުންސިލުން ކޮންމެ އަހަރަކުވެސް ބާއްވަމުން އަންނަ ޤުރްއާން މުބާރާތުގެ މިއަހަރުގެ މުބާރާތް މިރޭ ފެށިގެން ކުރިއަށްދާނެއެވެ. މިއީ އެ ކައުންސިލްގެ 15ވަނަ މުބާރާތެވެ. މި އަހަރުގެ މުބާރާތުގައި ޖުމުލަ 95 ބައިވެރިން ބައިވެރިވެފައިވެއެވެ. 

މި އަހަރުގެ މުބާރާތުގައިވެސް އެންމެ ގިނަ ޢަދަދަކަށް ކުދިން ބައިވެރިވެފައިވަނީ ހުޅުދުއްފާރު ސްކޫލުގެ ނަމުގައެވެ. އެގޮތުން ސްކޫލުގެ ނަމުގައި 62 ދަރިވަރަކު ވަނީ ބައިވެރިވެފައެވެ. މީގެ އިތުރުން 22 ކުއްޖަކު ވަނީ އިންސްޓިޓިއުޓް ފޯ ތަންޒީލުލް ޤުރްއާނުގެ ނަމުގައި ބައިވެރިވެފައެވެ. ބާކީ ތިބި 11 ބައިވެރިން ބައިވެރި ވެފައިވަނީ އަމިއްލަ ގޮތުންނެވެ.

މި މުބާރާތަކީ އެ މުބާރާތަކަށް ހުޅުދުއްފާރު ކައުންސިލުން އެންމެ އިސްކަންދޭ މުބާރާތެވެ. އެގޮތުން މުބާރާތުގެ އެއްވަނައަށް ދާ ފަރާތަށް ޢުމުރާ ދަތުރެއް ދެމުންދާއިރު އެހެން ވަނަތަކަށް ދާ ބައިވެރިންނަށް އަގުހުރި އިނާމުތައްދިނުމާއި ދެވޭ ޓްރޮފީތަކުގެ ފެންވަރު ރަނގަޅުކުރުމަށް ކޮންމެ އަހަރަކުވެސް ބޮޑު ހޭދައެއް ކުރެއެވެ.

ހަމަ މިއާއެކު އެކަމަށްޓަކާ މުބާރާތް ބާއްވާ މަތާރަން މާލަން ތަރައްޤީކޮށް އިތުރު ފުރިހަމަކަމެއް ގެނައުމަށް ކައުންސިލުން މަސައްކަތްކުރާކަން ފާހަގަކޮށްލެވެއެވެ. ޚާއްޞަކޮށް މި އަހަރާއެކު ފާއިތުވި ތިން އަހަރު މަތާރަން މާލަމަށް ވަނީ ބޮޑެތި ބަދަލުތަކެއް ގެނެސްފައެވެ.

Copyright © 2025 Faaru News
Made with by Afeef & Noor