މިފަހަރު މިއީ ތަންކޮޅެއް ތަފާތު ފޮޓޯ އަލްބަމެކެވެ. މިއީ އެކި ފަހަރު މަތިން ކަނޑުމަތިން އަޅުގަނޑަށް އަޅައިގަތް މަންޒަރުތަކެކެވެ. ދިވެހިންނަކީ ކަނޑަށް ފަރިތައެއްކަމަކު، އެކަނިމާ އެކަނި ގިނިކަންޏާ މާކަނޑަށް ނުކުމެ އުޅުމަކީ އެހާ ރައްކާތެރިގޮތަކަށް ނުވެދާނެއެވެ. އެހެންކަމުން މިކަމަށް ހޭލުންތެރިކުރުވުމުގެ ގޮތުން މިގެނެސްދެނީ "އެކަނި ކަނޑުމަތީ"އެވެ.
ރާއްޖޭގެ ކޮންމެ ރަށެއްގައިވެސް ވަރަށް އާންމުކޮށް ފެންނަ އެއް މަންޒަރަކީ އެކަނި މަހަށް ފުރުމެވެ. އެކަނި މަހަށް ފުރުމަކީ ވަރަށް ނުރައްކާތެރި ކަމެކެވެ. މީހެއްގެ އެހީއަށް ބޭނުންވާ ފަދަ ކަމެއް ދިމާވާނީ ބުނެފައެއް ނޫނެވެ. އެހެންކަމުން، ތެޔޮނާޅާ ދޯނި ނުފުރާ ފަދައިން، އިތުރު ބައިވެރިއަކު ނެތި މާކަނޑަށް ނުނިކުންނަން އަޅުގަނޑުމެން ވިސްނަންޖެހެއެވެ.
