ރަށު ކަޕް 2025 ޗެމްޕިއަންކަން ވޮލްފު ސިޓީއަށް

Admin User
Admin User
1 މަސް ކުރިން
1 މިނިޓް

ރަށު ކަޕް 2025ގެ ފައިނަލްގައި ބަދަހި އެފް.ސީ އަދި ވޮލްފް ސިޓީ ބައްދަލުކޮށް ޕެނަލްޓީއިން ވޮލްފު ސިޓީ ކާމިޔާބުކޮށް މުބާރާތުގެ ތަށި އުފުލާލައިފިއެވެ. 

ފޯރިގަދަ އަދި އެހާމެ ރީތި ކުޅުމެއް ފެނިގެންދިޔަ މި މެޗްގައި ގޯލް ޖަހާނެ ގިނަ ފުރުޞަތުތަކެއް ދެ ޓީމަށްވެސް ލިބުނުކަމުގައި ވީނަމަވެސް ކީޕަރުންގެ ހުޝިޔާރުކަމުން ގޯލުގެ ތެރެއަށް ބޯޅަ ފޮނުވާލެވޭ ގޮތެއް ނުވިއެވެ. މެޗްގެ 20 މިނެޓުގެ ދެހާފުގެ ކުޅުން ނިމިގެން ދިޔައީ ދެ ޓީމުންކުރެ އެއްވެސް ޓިމަކަށް ލަނޑެއް ކާމިޔާބު ނުކުރެވިއެވެ. 

ޕެނަލްޓީ ޝޫޓްއައުޓްގައި 3:1ގެ ނަތީޖާއަކާއެކު ވޮލްފް ސިޓީ މި ކާމިޔާބީ ހޯދި އިރު އެކަމުގެ އެންމެ އިސް ރޯލެއް އަދާކުރި ކުޅުންތެރިއެއްގެ ގޮތުގައި ފާހަގަކުރެވުނީ އެ ޓީމްގެ ގޯލް ކީޕަރު، ޖާޒީ ނަންބަރު 22 އިބްރާހީމް ނާއިޝްއެވެ. ނާއިޝްވަނީ ކުޅުމުގެ ތެރޭގައިވެސް އަދި ޕެނަލްޓީތަކުގައިވެސް ބާރުގަދަ ޝޮޓްތަކެއް ސޭވް ކޮށްފައެވެ.

ވޮލްފު ސިޓީއިން މި ފެންވަރުގެ މުބާރާތެއްގެ ޗެމްޕިއަންސްކަން ހޯދި މިއީ ފުރަތަމަ ފަހަރެވެ. މިދިޔަ އަހަރު އެ ޓީމްވަނީ ސެމީ ފައިނަލާ ހަމައަށް ދަތުރުކޮށްފައެވެ. އަނެއްކޮޅުން ބަދަހި އެފް.ސީއަކީ މިދިޔައަހަރުގެ ޗެމްޕިއަން ޓީމެވެ. އެހެންކަމުން ރަށު ކަޕް ޗެމްޕިއަންސް ޓްރޮފީ މިލްކް ކުރުމަށް އަނެއްކާވެސް އާ ފެށުމަކުން އެޓީމް ފަށަން މަޖުބޫރުވީއެވެ.

Copyright © 2025 Faaru News
Made with by Afeef & Noor