ޞުލްޙަވެރިކަން ނެތީވިއްޔާ އަމާންކަން ގެއްލި ނެތިދާނޭ!
ޞުލްޙަވެރިކަން ފިލާދިއުމުން ނިޔާ އަނިޔާ އެ އޮޅިދާނޭ!
ފަސާދަކުރުން އެ ގިނަކުރުމުން ޚަރާބުވެ ޤައުމު ނެތިދާނޭ
އިސާހިތު ޤައުމުގައި ނާމާން، ކަމުގެ ރަނގަބީލު ޖެހިދާނޭ!
ދުލާ މިނިވަންކަމުގެ ނަމުގައި ބުނާ ބަސްތައް ހުތުރު ކުރުމުން
ދުލާ މިނިވަންކަމުގެ ސަބަބުން އަބުރު ކަތިލެވި ކަފުންވާނޭ!
އިވޭ ޚަބަރެއްގެ އަޞްލާ މެދު ޙަޤީޤަތް ހޯދުމެއް ނުބަލާ
އިވޭހާ އަޑުތަކަށް ކަންފަތް ދެނީނަމަ، އަދަބު ލިބިދާނޭ!
ދުލުން ބުނެވޭ ބަހާ މެދުގައި ސަމާލުކަމެއް ނުދީ ހުރުމުން
ދުލުގެ އާފާތްތަކުން މީހާ، ބަނދެވި އެ ޢަޛާބު ލިބިދާނޭ!
