އެސްޕާޑާ އާއި ލެންޓާނާއި ގުޅިގެން ރ. ހުޅުދުއްފާރުގައި ބާއްވާ "ރަށު ކަޕް"ގެ ފުރަތަމަ މުބާރާތުގެ ޝިއާރު ޢިފްތިތާޙްކޮށްފިއެވެ.
މުބާރާތުގެ ޝިއާރު ޢިފްތިތާޙްކޮށްފައިވަނީ މިއަދުއެވެ. ރަށު ކަޕް 2024 ފޭސްބުކް އަދި އިންޓަގްރާމުން މިހާރު ވަނީ އެ ޝިއާރު ސޯޝަލް މީޑިއާގައި ޢާއްނުކޮށްފައެވެ.
ރަށު ކަޕް ހުޅުދުއްފާރު މުބާރާތުގެ ޝިޢާރަކީ "ފޯރި އަނބުރާ ދަނޑަށް" ށެވެ.
މުބާރާތަށް މި ޝިއާރު ކަނޑައަޅާފައިވާއިރު އެސްޕާޑާގެ ރައީސް ނޫރު ޔޫސުފް މީގެ ކުރިން "ފާރު" އަށް ވިދާޅުވީ ރަށު ކަޕް މުބާރާތުގެ މައިގަނޑު މަގުސަދުތަކަކީ ރަށު ކުޅުންތެރިންނަށް ފުރުސަތު ހޯދައިދީ ކުރީގައި އޮންނަ ކުޅިވަރު ފޯރި އަނބުރާ ދަނޑަށް ގެނައުމާއި ކުރީގެ ޓީމްތަކުގެ ވާދަވެރިކަން އަނބުރާ ދިރުވުންކަމަށެވެ.
ރަށު ކަޕް 2024 ގެ ފުރަތަމަ މުބާރާތް ބާއްވަން ނިންމާފައި ވަނީ 2024 ވަނަ އަހަރުގެ ޖޫން މަހުގެ 20 ވަނަ ދުވަހުގައެވެ.
އެސްޕާޑާއިން ބުނީ ޓީމްތަކުން މުބާރާތުގައި ބައިވެރިވާ މިންވަރަށް ބަލާފައި މުބާރާތް ހަފްތާއަކަށް ކުރިއަށް ގެންދަން ވިސްނާކަމަށެވެ. އަދި ހުޅުދުއްފާރުގައި މިހާރު 8 ވަރަކަށް ޓީމް އޮންނަކަމަށާއި މުބާރާތާއި ގުޅިގެން ރަނގަޅު ފައިސާގެ އިނާމެއް ދޭން ނިންމާފައިވާކަމަށާއި ތަފާތު ވަނަތައް ހޮވާނެކަމަށްވެސް އެސްޕާޑާއިން ބުނެފައިވެއެވެ.
މި މުބާރާތާއި ގުޅިގެން ސްޕޮންސާސް ނުވަތަ އިތުރު އެހީތައް ދޭން ބޭނުންވާ ފަރާތްތަކަށް އެ ފުރުސަތު މިހާރު ވަނީ ހުޅުވާލާފައެވެ.
އެގޮތުން އެހީތެރިކަން ފޯރުކޯށްދޭން ބޭނުން ފަރާތްތަކުން 9779872 ނުވަތަ 7468264 އަށް ގުޅައިގެން ކުރިއަށް ގެންދިއުމުން ޕްރޮޕޯސަލްއާ ގުޅޭ މައުލޫމާތާއި އިތުރު މައުލޫމާތު ފޯރުކޮށްދޭނެކަމަށް އެސްޕާޑާއިން ބުނެފައިވެއެވެ.
