އެސްޕާޑަރ ސްޕޯޓްސް ކްލަބުން އިންތިޒާމްކޮށްގެން ކުރިއަށް ގެންދާ ރަށު ކަޕް މުބާރާތުގެ ލޯގޯ ރީބްރޭންޑުކޮށް އިފްތިތާޙްކޮށްފިއެވެ.
'ރަށު ކަޕް XXV'ގެ ނަމުގައި އަންނަ އަހަރު ބާއްވާ މުބާރާތަށް ލޯގޯ ރީބްރޭންޑްކޮށް އާއްމުކޮށްފައިވަނީ ރަށުކަޕް އިންޓްގްރާމް އަދި ފޭސްބުކް ޕޭޖްގައެވެ.
ރަށު ކަޕްގެ ލޯގޯ ރިބްރޭންކުރިނަމަވެސް އެ ލޯގޯއިން ރަމްޒުކޮށްދޭ ކަންކަން އެސްޕާޑާއިން އަދި ހާމައެއް ނުކުރެއެވެ.
ރަށު ކަޕުގެ ފުރަތަމަ މުބާރާތް މިދިޔަ އަހަރު ބާއްވާފައިވަނީ މުޖުތަމައުގެ ކުރިއެރުމަށް ލޯބި ކުރާ ޒުވާނުންތަކެއް އުފައްދާފައިވާ އެސްޕާޑާއިން ހުޅުދުއްފާރުގެ މަދަނީ ޖަމުއިއްޔާ ލެންޓާނާއި ގުޅިގެން ރ. ހުޅުދުއްފާރުގައެވެ.
އެސްޕާޑާގެ ރައީސް ނޫރު ޔޫސުފް "ފާރު"އަށް ވިދާޅުވީ މިދިޔަ އަހަރުގެ މުބާރާތް ވަރަށް ކާމިޔާބުކަމަށެވެ. އޭނާ ވިދާޅުވީ ނުވަ ޓީމަކާއެކު މިދިޔަ އަހަރު ފެށި އެ މުބާރާތުގައި ޖުމުލަ 114 ކުޅުންތެރިން ބައިވެރިވެފައިވާކަމަށާއި އެއީ ރަށުގައި މިހާތަނަށް ބޭއްވި އެންމެ ފޯރިގަދަ މުބާރާތްކަމަށެވެ.
ނޫރު ވިދާޅުވިގޮތުގައި މިދިޔަ އަހަރުގެ ޗެމްޕިއަންއަކީ އަލަށް އުފެއްދި ޓީމަކަށް ވުމަކީވެސް ލިބުނު ބޮޑު ކާމިޔާބީއެކެވެ. މިދިޔަ އަހަރުގެ ރަށުކަޕް ޗެޕްޕިއަންއަކީ އަލަށް އުފެއްދި ޓީމެއްކަމަށްވާ 'ބަދަހި އެފްސީ'އެވެ. އަދި މި މުބާރަތުގައި ގިނަ އަދަދަކަށް ޒުވާން ކުދިން ބައިވެރިވެ ތަފާތު ކުޅުމެށް ދައްކާފައިވާކަމަށް ވިދާޅުވިއެވެ.
