ހުޅުދުއްފާރު ސުޕޯޓްސް ކުލަބުން އިންތިޒާމުކޮށްގެން ބާއްވާ އެޗް.އެސް.ސީ ފުޓްސަލް ކަޕްގެ 3 ވަނަ މުބާރާތް ޖޫން 26ން ޖުލައި 07ށް ކުރިއަށް ދާނެކަމުގައި އެ ކުލަބުން އިޢުލާންކޮށްފިއެވެ.
ކޮވިޑް 19ގެ ބަލިމަނޑުކަމުގެ ސަބަބުން މިދިޔަ އަހަރު ޑިސެންބަރ މަސް ތެރޭގައި ބާއްވަން ރޭވި މުބާރާޓް ލަސްކޮށްލާ، މި އަހަރު ޖޫންގައި ފަށާގޮތައް ހަމަޖެހުނު އިރު، މުބާރާތުގައި ބައިވެރިވުމުގެ ސުންގަނޑިއަކީ މި މޭމަހުގެ 15ވަނަ ދުވަހެވެ.
ޗެންޕިއަން ޓީމަށް 10،000 ރުފިޔާ ލިބޭ މި މުބާރާތުގައި، ހުޅުދުއްފާރުގެ އިތުރުން، އަނގޮޅިތީމު، ރަސްގެތީމް، ވާދޫ، އިފުރު، އަދި ފާރަފުށީގެ ޓިމްތަކަށް ބައިވެރިވުމުގެ ފުރުޞަތުވަނީ ހުޅުވާލެވިފައެވެ.
