2021 ވަނަ އަހަރު ރަށު ފެންވަރުގައި ބޭއްވުމަށް ހަމަޖެހިފައިވާ ކައުންސިލްގެ 11 ވަނަ ޤުރުއާން މުބާރާތުގައި ބައިވެރިވުމުގެ ފުރުޞަތު މިއަދު ހުޅުވާލައިފިއެވެ. މި މުބާރާތް ފެށުމަށް ހަމަޖެހިފައިވަނީ 17 ޑިސެންބަރ 2021 ވަނަ ދުވަހުއެވެ.
މުޅިމުބާރާތުން 1 ވަނައަށް އަންނަފަރާތަކަށް ޢުމުރާދަތުރެއްދިނުމަށް ހަމަޖެހިފައިވާ މިމުބާރާތުގައި ބައިވެރިވުމުގެ ފުރުޞަތު ރަށުގެ ހުރިހާ ޢުމުރު ފުރާއަކަށްވާނީ ހުޅުވާލެވިފައެވެ. މި މުބާރާތުގައި ބައިވެރިވުމުގެ ފުރުޞަތު ހުޅުދުއްފާރުގެ ރައްވެހިންގެ އިތުރުން، މުބާރާތް އިއުލާން ކުރުމާއި ހަމައަށް ހުޅުދުއްފާރުގައި ދިރިއުޅޭ ފަރާތްތަކަށްވެސް ވަނީ ހުޅުވާލާފައެވެ.
މިމުބާރާތުގައި ބައިވެރިވުމަށްއެދޭ ފަރާތްތަކުން ކައުންސިލް އިދާރާއިން ދޫކުރާ 11ވަނަ ކައުންސިލް ޤުރުއާންމުބާރާތުގައި ބައިވެރި ވުމަށް އެދޭ ފޯމް ފުރިހަމަކުރުމަށް ފަހު 14 ޑިސެންބަރ 2021 ވަނަ ދުވަހުގެ 14:00 ގެ ކުރިން އެއިދާރާއަށް ހުށަހެޅުމަށް ހުޅުދުއްފާރު ކައުންސިލްގެ އެންގުމުގައިވަނީ އެދިލައްވާފައެވެ.
މި މުބާރާތުގެ މެއިން ސްޕޮންސާސްއަކީ 'ރިއަލް ސިޓީ" އަދި "ފަރީ އަސްކޮއި ޙައްޖު އަދި އުމްރާ ޓޫރަރސް" އެވެ.
