ފަލަސްޠީންގެ ރައްޔިތުންނަށް އެހީތެރިވުމުގެ ގޮތުންނާއި، ފަލަސްޠީން އާރާސްތުކުރުމުގެ މަޤްސަދުގައި، ހުޅުދުއްފާރު ރައްޔިތުންގެ ފަރާތުން އެހީތެރިވެދީފިއެވެ.
އިންޓަނޭޝަނަލް އެއިޑް ކެމްޕެއިނުން ޖޫން 5ގެ ނިޔަލަށް ހިންގި ހަރަކާތައް ހުޅުދުއްފާރު ރައްޔިތުންގެ ފަރާތުންވަނީ ޖުމުލަ 26،326 ރުފިޔާ ހަދިޔާ ކޮށްފައެވެ.
ކޮވިޑް 19ގެ ސަބަބުން ހުޅުދުއްފާރު މޮނިޓަރިންގެ ހާލަތުގައި އޮތުމުން ފަންޑު އެއްކުރުމަށް ބޭނުން ކޮށްފައިވަނީ ރަށުގެ ދެ މިސްކިތުގައި ބެހެއްޓުނު ފަންޑު ފޮށި އެކަންޏެވެ.
މިކަން އިންތިޒާމު ކުރުމުގައި އިސްކޮށް އުޅުއްވާފައިވަނީ، ހުޅުދުއްފާރު ކައުންސިލްގެ އިދާރާ، އަދި ލެންޓާނެވެ.
ފަންޑު ފޮށި ބެހެއްޓުމުގެ ކުރިން، ކައުންސިލާއި ލެންޓާން ގުޅިގެންވަނީ "ފަލަސްޠީނާ މުސްލިމުން"ގެ ނަމުގައި 20މޭގައި ހުޅުދުއްފާރު ނޫރު މިސްކިތުގައި ހާއްސަ ފޯރަމެއްވެސް ކުރިއަށް ގެންގޮއްސައެވެ.
އޭގެ ކުރިން ކައުންސިލު މެންބަރުންވަނީ އެބޭފުޅުންގެ އެއްދުވަހުގެ މުސާރަ ކަމުގައިވާ 2،330 ރުފިޔާވެސް ފަލަސްޠީނުގެ ރައްޔިތުންނަށް ހަދިޔާ ކުރުމަށް އައި.އޭ.ސީ އަށް ފޮނުވާފައެވެ.
ހުޅުދުއްފާރު ސިއްޙީ ހިދުމަތްތެރިންވެސްވެސް ވަނީ އެބޭފުޅުން ތިބީ ފަލަސްޠީނާއިއެކު ކަން ދައްކާލުމުގެ ގޮތުން އެބޭފުޅުން ތުރުކުރައްވާ ޕީ.ޕީ.އީގައި ފަލަސްޠީނު ދިދަ ހަރުކޮށްފައެވެ.
