ކޯވިޑް ގެ ހާލަތުން އަރައިގަތުމުގެ ގޮތުން ސަރުކާރުން ކަނޑައަޅާފައިވާ ސްކޫލް ޓީޗަރުންނާއި މުވައްޒަފުންނަށް ވެކްސިން ޖެހުމުގެ މަސައްކަތް މިހާރު ހުޅުދުއްފާރު ގައި ދަނީ ކުރިއަށެވެ.
ފާރު އެމް ވީ އަށް މައުލޫމާތު ލިބިފައިވާ ގޮތުގައި ހުޅުދުއްފާރު ސްކޫލް ގެ ޓީޗަރުންނާއި މުވައްޒަފުންގެ ތެރެއިން އެންމެ ބޭފުޅެއް ފިޔަވައި އެހެން ހުރިހާ ބޭފުޅުން މިހާރު ވަނީ ވެކްސިން ޖަހާފައެވެ. އަދި ދެތިން ބޭފުޅެއް ފިޔަވައި އެހެން ހުރިހާ ބޭފުޅުން މިހާރު ވަނީ ވެކްސިން ގެ ދެ ޑޯޒް ފުރިހަމަ ކޮށްފައެވެ.
އަދި މި އަންނަ ހަފްތާގެ ތެރޭގައި ހުޅުދުއްފާރު ސްކޫލް ގެ ދަރިވަރުން ގެ ތެރެއިން 12 އަހަރުން މަތީގެ ދަރިވަރުންނަށް ވެކްސިން ޖަހަން ފެއްޓޭނެ ކަމަށް މައުލޫމާތު ލިބިފައި ވެއެވެ.
ދަރިވަރުންނަށް ވެކްސިން ގެ ގޮތުގައި ދޭން ހަމަޖެހިފައިވާ ވަނީ 'ފައިޒާ' ވެކްސިން އެވެ.
