ހުޅުދުއްފާރު ސްކޫލް ސްޓޫޑެންޓް ކައުންސިލް އިލެކްޝަން ބާއްވައިފި
ހުޅުދުއްފާރު ސްކޫލް ގެ ކުލަބް އަދި ހައުސް ތަކުގެ މަގާމް ތަކަށް ކުދިން ހޮވުމަށް އިލެކްޝަން 1 ނޮވެމްބަރ 2021 ވީ އާދިއްތަ ދުވަހު ބާއްވައިފި އެވެ. މި އިލެކްސަން ގައި ވަނީ ސްކޫލް ގެ ކެޕްޓަން އަދި ވައިސް ކެޕްޓަނުން ވެސް ހޮވާފައެވެ.
އެހެން އަހަރު ތަކާއި ހިލާފަށް މި އަހަރު ހުޅުދުއްފާރު ސްކޫލް ގައި ވޯޓްލުން ބާއްވާފައިވަނީ ވަނީ އޮންލައިންކޮށެވެ.
މި އިލެކްސަން ގައި ވަނީ ސްކޫލްގެ 7 ކުލަބާއި 4 ހައުސް ގެ ކެޕްޓަން، ވައިސް ކެޕްޓަން އަދި ޖެނެރަލް ސެކްރެޓަރީގެ މަގާމަށް ކުދިން ހޮވާފައެވެ.
7 ކުލަބް އަކީ އިސްލާމް ކުލަބް، ލޭންގުވޭޖް ކުލަބް، ސައިންސް ކުލަބް، ބިޒްނަސް ކުލަބް، ސްޕޯޓްސް ކުލަބް، އައިޓީ ކުލަބް އަދި ހިއުމަން ރައިޓްސް ކުލަބެވެ. 4 ހައުސް އަކީ އިސްކަންދަރު ހައުސް، ދަންޑަހެލު ހައުސް، އިޒައްދީން ހައުސް އަދި ތަކުރުފާނު ހައުސް އެވެ.
މީގެ އިތުރުން ސުކޫލު ކެޕްޓަންއާއި، އޯލެވެލްގެ ވައިސް ކެޕްޓަން އަދި އޭލެވެލްގެ ވައިސް ކެޕްޓަންވެސްވަނީ މި އިލެކްޝަންކައި ހޮވާފައެވެ.
