ޝައްވާލު މަހުގެ 6 ރޯދައާއި ގުޅޭ މައުލޫމާތު ދިނުމުގެ ޙާއްސަ ވެބިނާއެއް މިއަދު ހަވީރު 16:15 ން 17:15 އަށް ކުރިއަށް ދާނެ ކަމުގައި ލެންޓާންއިން މައުލޫމާތި ދީފިއެވެ.
މައިގަނޑު ދެ ސެގްމެންޓަކަށް ބަހާލެވިގެން ރަވާލާފައިވާ ވެބިނާގައި އަދިވެސް ބައިވެރި ވުމުގެ ފުރުޞަތު އެބައޮތް ކަމުގައި ލެންޓާންގެ ރައީސް، ޤާއިމް ޔޫސުފް އާދަމް ވިދާޅުވިއެވެ.
"ޖާގަ އޮތް ވަރަކުން ބައިވެރިންނަށް ފުރުޞަތު ދޭނަން، ވެބިނާ ފެށެންދެންވެސް، އިންޝާ ﷲ." ޤާއިމް ވިދާޅުވިއެވެ.
"މި ވެބިނާގައި ހިމެނޭނީ މައިގަނޑު ދެ ބައެއް. ފުރަތަމަ އޮންނާނީ ޝައްވާލުމަހުގެ 6 ރޯދަ އާއި ގުޅޭ މައުލޫމާތު ދިނުން. އެއަށް ފަހު ބައިވެރިންގެ އެއްވެސް ސުވާލެއް އޮތް ނަމަ، ވެބިނާ ނިންމާލުމުގެ ކުރިން އެ ފުރުޞަތު ލިބޭނެ އެ ސުވާލެއް ކޮށްލާ ޖަވާބު ހޯދާލުމުށް." ވެބިނާ ކުރިއަށް ދާނީ ކިހިނެއްތޯ ސުވާލު ކުރުމުން ޤާއިމް ވިދާޅުވިއެވެ.
"މި ވެބިނާގެ މައިގަނޑު މަޤްޞަދަކީ، އަޅުގަނޑުމެންގެ މުޖުތަމަޢުގައި ޝައްވާލު މަހުގެ 6 ރޯދަ އާއި ގުޅޭ ގޮތުން އުފެދިފައި ހުންނަ ތަފާތު ސުވާލު ތަކުގެ ޖަވާބު ބައިވެރިންނަށް ފޯރު ކޮށްދިނުން. އަދި އޮޅުން އަރާފަ ހުންނަ ކަންކަން އޮޅުން ފިލުވައިދިނުން." މި ވެބިނާގެ މަޤްޞަދާއި ބެހޭ ގޮތުން ޤާއިމް ވިދާޅުވިއެވެ.
މި ވެބިނާގައި މައުލޫމާތު ދެއްވާނީ، އަދި ބައިވެރިންގެ ސުވާލުތަކަށް ޖަވާބު ދެއްވާނީ އައްޝައިޚް އިބްރާހީމް ރާފިޢުއެވެ.
މި ވެބިނާގައި ބައިވެރިވެލައްވަން ބޭނުންފުޅުވާ ބޭފުޅުން ތިރީގައިވާ ގޫގުލް ފޯމް ފުރާ ލެއްވުމުން ނިމުނީއެވެ.
https://forms.gle/q38zEHrn7xC9M7rw7
ވެބިނާއާއި ގުޅޭ އިތުރު މައުލޫމާތު އޮޅުން ފިލުވާލަން ބޭނުންފުޅު ނަމަ: 7468264
