މިނިސްޓްރީ އޮފް ފިސަރީސް ގެ ޓީމް އެއް ހުޅުދުއްފާރަށް ޒިޔާރަތް ކުރައްވައިފައެވެ.
މި ދަތުރުގައި ޒިޔާރަތް ކުރި ޓީމުން ވަނީ ހުޅުދުއްފާރު ކައުންސިލް އާއި ބައްދަލު ކުރައްވައި، ރަށުގެ ރުއްތަކަށް ޖެހޭ ބަލިތަކަށް ފަރުވާ ދިނުމަށް އަމަލު ކުރެވޭނެ ގޮތް ކިޔައިދެއްވައިފައެވެ.
އަދި އެބޭފުޅުން ވަނީ ރަށުގައި ދަނޑުވެރިކަން ކުރަމުންދާ ފަރާތްތަކަށް ބައްދަލު ކުރައްވައި، ދަނޑުތަކުގެ ހާލަތު ބައްލަވާފައި، ހުރި މައްސަލަ ތައް ހައްލުކުރާނެ ގޮތްތަކެއް ކިޔައި ދެއްވާފައެވެ. މީގެ އިތުރުން ގޭތެރޭގައި ދަނޑުވެރިކަން ކުރާ ފަރާތްތަކަށް ވެސް ބައްދަލު ކުރައްވައި އެ ފަރާތްތަކަށް ވެސް މައްސަލަ ތައް ހައްލުކުރާނެ ގޮތް ކިޔައިދެއްވައިފައެވެ.
އަދި ރަށުގައި ބަކަރި ގެންގުޅުއްވާ ފަރާތަށް ބައްދަލު ކުރައްވައި ބަކަރި ތަކުގެ ހާލަތު ވެސް ވަނީ ބައްލަވާފައެވެ.
