ކޯވިޑް 19 ގެ ސަބަބުން ރަށްރަށަށް ދަތުރު ކުރުމުގައި ހެލްތް ޕްރޮޓެކްޝަން އޭޖެންސީ (އެޗްޕީއޭ) ކަނޑައަޅާފައިވާ މިންގަނޑު ހަމަވެފައިވާތީ، ކަރަންޓީން ވުމަކާއި ނުލާ ދަތުރު ކުރެވޭ ރަށްރަށުގެ ލިސްޓުގައި ރ. ހުޅުދުއްފާރު ވެސް ހިމެނިއްޖެއެވެ.
އެޗްޕީއޭއިން އާންމު ކޮށްފައިވާ ލިސްޓްގައި ހިމެނިފައިވާ ރ. އަތޮޅުގެ ރަށްތަކަކީ، ރ. މަޑުއްވަރީ، ރ. އިންނަމާދޫ، ރ. އިނގުރައިދޫ، ރ. ކިނޮޅަސް، ރ. އުނގޫފާރު، ރ. އަނގޮޅިތީމު، ރ. ރަސްމާދޫ، ރ. ވާދޫ، ރ. ރަސްގެތީމު، ރ. މީދޫ، ރ. އަލިފުށި އަދި ރ. ހުޅުދުއްފާރެވެ.
ރ. އަތޮޅުގައި މީހުން ދިރިއުޅޭ ޖުމުލަ 15 ރަށް އޮންނައިރު، އަދި މި ލިސްޓަށް ނާރާ 3 ރަށެއް އެބައޮތެވެ.
ޕީސީއާރު ޓެސްޓާއި ނުލާ ދަތުރުކުރެވޭ ލިސްޓަަށް އަރަނީ އެރަށެއްގައި ދިރިއުޅޭ ވެކްސިން ޖެހޭ އުމުރުގެ 95 އިންސައްތަ ވެކްސިންގެ ދެ ޑޯޒް ޖެހުމުންނެވެ.
