ސަލަފް ރ. ރިޙްލާ މިރޭ ފެށޭ އިރު، މިރޭ އެކަނިވެސް ބޮޑު އިވެންޓެއް ކުރިއަށް ދާނެއެވެ.
މިގޮތުން، ރ. އުނގޫފާރުގައި، "މަގޭ ދަރިފުޅާ" ގެ ނަމުގައި ބާއްވާާ ފޯރަމެއް އޮންނާނެއެވެ. ޢަލީ ރަމީޒު މޮޑަރޭޓު ކުރާ، މި ފޯރަމުގައި ރާއްޖޭގެ މަޝްހޫރު ދީނީ ޢިލްމުވެރިޔާ ޑރ. ޢަލީ ޒާހިރު ސަޢީދު ބިން ޤާސިމްގެ އިތުރުން މަޝްހޫރު ޤާރީ. މުޙައްމަދު ތަޢުފީޤު ބައިވެރިވެވަޑައިގަންނަވާނެއެވެ.
މީގެ އިތުރުން، 5 ޝައިޚުންގެ ފެނަލްއަކުން. "ރުޤްޔާ ފޯރަމް"ގެ ނަމުގައި ފޯރަމެއް ރ. ހުޅުދުއްފާރުގައި ކުރިއަށް ގެންދާނެއެވެ. މި ފޯރަމުގައި ބައިވެރިވެ ވަޑައިގަންނަވާނީ، އައްޝައިޚް ހަސަން ފައިސަލް، އައްޝައިޚް އަހްމަދު ސިނާނު، އައްޝައިޚް އަޙްމަދު މާޖިދު، އައްޝައިޚް ސާޖިދު މުޙައްމަދު، އަދި އައްޝައިޚް ޢަބްދުﷲ ޝަހީދުއެވެ.
އަދި، "ދޫ ރައްކާތެރިކުރުން،: މި ނަމުގައި އައްޝައިޚް އަޙްމަދު ސަމީރުގެ ބޮޑު ދަރުހެއް ރ. މަޑުއްވަރީގައި ކުރިއަށް ދާއިރު، "ނަފްސު ހިސާބުކުރުން،" މިނަމުގައި ކިނޮޅަހުގައި ބޮޑު ދަރުހެއް ކުރިއަށް ދާއިރު، މާކުރަތިގަވެސް ބޮޑު ދަރުހެއް ކުރިއަށް ގެންދިއުމަށް ވަނީ ހަމަޖެހިފައެވެ. އަދި ހަމަ އެހެންމެ. ބެލެނިވެރިންނަށް އަމާޒުކޮށްގެން ގެންދާ، ތަރުބިއްޔަތު ވޯކްޝޮޕެއް، ރ. ރަސްމާދޫގައި ކުރިއަށް ގެންދިއުމަށް ވަނީ ހަމަޖެހިފައެވެ.
