ސަލަފް ރ. ރިޙްލާގައި ބައިވެރިވުމަށް ނޫނު އަތޮޅުން އަންނަ ޓީމު ހުޅުދުއްފާރަށް ދިއުމަށް ދަތުރު ފަށައިފިއެވެ.
މި ޓީމުގައި ހިމެނި ވަޑައިގަންނަވަނީ، އައްޝައިޚް އަޙްމަދު ސިނާނު، އައްޝައިޚް އަޙްމަދު މާޖިދު، އަދި އައްޝައިޚް ސާޖިދު މުޙައްމަދެވެ. ޒޯން 1ގައި ހިމެނޭ މި ޓީމުން، ޝައިޚް ސިނާނު ދުރުވާނީ ރ. އަލިފުއްޓަށެވެ. ޝައިޚް މާޖިދު ދުރުވާނީ ރަސްގެތީމަށެވެ. އަދި ޝައިކް ސާޖިދު ދުރުވާނީ އަނގޮޅިތީމަށެވެ.
ސަލަފް ރިޙްލާގައި ވާދޫއަށް ދުރުވާނީ ހުޅުދުއްފާރުގައި އުޅުއްވާ އައްޝައިޚް ޢަބްދުﷲ ޝަހީދެވެ. އަދި ހުޅުދުއްފާރަށް ދުރުވާނީ، އައްޝައިޚް ޙަސަން ފައިސަލެވެ.
ޝައިޚް ފައިސަލް ހުޅުދުއްފާރަށް ދުރުވާނީ، މިއަދު މާލެއިން މެންދުރު ފަހު ރ. އަތޮޅަށް ދަތުރު ކުރާ ޓީމާއި އެއްކޮންނެވެ. މި ޓީމުގައި ހުޅުދުއްފާރުގައި އައި.ސީ.ޓީ އިން އޮފީސް މެނޭޖްމަންޓް އަދި ޑިޒައިން ބޭސިކްސް ވޯކްޝޮޕް ނަންގަވައިދެއްވާ، ޖަވާބު އެކަޑެމީގެ ޙުޞައިން އަފޫފުގެ އިތުރުން، އަނގޮޅިތީމަށް ދުރުވާ، ޤާރީ މުޙައްމަދު ވަޙީދުވެސް ހިމެނި ވަޑައިގަންނަވާނެއެވެ.
ޒޯން 1ގެ ޓީމް މިރޭ މަޑުކުރުމަށް ހަމަޖެހިފައިވަނީ، ޒޯން 1 ކޯޑިނޭޓް ކުރާ ރަށްކަމުގައިވާ ހުޅުދުއްފާރުގައެވެ. އަދި އެހެން ރަަށް ރަށަށް ދިއުން ހަމަޖެހިފައިވަނީ، މިރޭ ރ. ހުޅުުދުއްފާރުގައި އޮންނަ "ރުޤްޔާ ފޯރަމް" ނިންމާލުމަށްފަހު، މާދަމާ ހެނދުނެވެ.
