ތަފާތު ގިނަ ޙަރަކާތްތަކާއި އެކު، ސަލަފުގެ ރ. ރިޙްލާ މާދަމާ ފެށޭނެއެވެ. ތިން ޒޯނަކަށް ބަހާލައިގެން ކުރިއަށްދާ މި ޙަރަކާތުގައި ރ. އަތޮޅުގެ ހުރިހާ ރަށަކުން ބައިވެރިވެއެވެ.
ރ. އަތަޅޮ ކައުންސިލްގެ އިތުރުން، ރ. އަތޮޅު ހުރިހާ ރަށެއްގެ ކައުންސިލް ބައިވެރިވާ މި ހަރަކާތުގައި، ރ. އަތޮޅުގެ ގިނަ މަދަނީ ޖަމުޢިއްޔާތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތައް ރ. އަތޮޅު ރިޙްލާގައި ބައިވެރިވެއެވެ.
ޖަމިއްޔަތުއް ސަލަފުން އިންތިޒާމު ކުރާ މި ހަރަކާތުގައި ޒޯން ކޯޑިނޭޓާއިންގެ ގޮތުގައި ޙަރަކާތްތެރިވަނީ، ރ. ހުޅުދުއްފާރުން ލެންޓާން، ރ. އުނގޫފާރުން، ކުލަބް ޔޫތް ސްޓަރ، އަދި ރ. މީދޫއިން އުންމީދެވެ.
ކޯޑިނޭޓް ކުރާ 3 ރަށުގައި، ދީނީ ޙަރަކާތްތަކުގެ އިތުރުން، ތަފާތު ވޯކްޝޮޕްތައް ކުރިއަށް ގެންދިއުމަށް ހަމަޖެހިފައިވާއިރު، ރ. އަތޮޅުގެ ހުރިހާ ރަށެއްގައިވެސް، ދީނީ، އަދި އިޖްތިމާޢި ޙަރަކާތްތައް ކުރިއަށްދާނެއެވެ.
މާދަމާރޭ ޙަރަކާތްތައް ފެށުމަށް ހަމަޖެހިފައިވާއިރު، ރިޙްލާ ނިންމާލުމަށްފަހު، އެންމެ ފަހު ޓީމު ފުރާގޮތައް ހަމަޖެހިފައިއޮތީ، 9 އޮކްޓޫބަރ 2022ވާ އާދިއްތަ ދުވަހުއެވެ.
އަމާނާ ތަކަފުލް، ހައިވް ކެފޭ (ރ. އުނގޫފާރު)، އާބާރު އެމް.ވީ، އުޔޫން އިންސްޓިޓިއުޓް، ދާރިސް ޓީވީ، އަދި ޖަވާބު އެކަޑަމީއިން ސްޕްންސަރ ކުރާ މި އިވެންޓުގައި، 15 ދީނީ ޢިލްމުވެރިންގެ އިތުރުން، ތަފާތު ދާއިރާ ތަކުގެ ފުންނާބު އުސްބޭފުޅުން ބައިވެރިވެ ވަޑައިގަންނަވައެވެ.
