ހުޅުދުއްފާރު ސުކޫލްގެ، 2025 ވަނަ އަޖަރުގެ ސްޓޫޑެންޓް ކައުންސިލްގެ މަޤާމުތަކަށް ދަރިވަރުން ހޮވުމަށް ބޭއްވުނު އިންތިޚާބު ކާމިޔާބު ކަމާއެކު ނިންމާލައިފިއެވެ. ޖުމްލަ 36 މަޤާމަކަށް ދަރިވަރުން ހޮވިގެންދިޔަ މި އިންތޚާބުގައި 68 ދަރިވަރުން ވާދަކޮށްފައިވެއެވެ. އިންތިޚާބަށް ވޯޓުލުމުގެ ކުރިން، ކުދިންނަށް ކެމްޕެއިން ކުރުމުގެ ފުރުޞަތު ދިނުމުގެ ގޮތުން 17 ނޮވެމްބަރ 2024ވީ އާދިއްތަ ދުވަހު ވަނީ ޚާއްޞަ އެސެންބްލީއެއްވެސް ސުކޫލުގައި ބާއްވާފައެވެ.
އިންތިޚާބުގެ ފުރަތަމަ ބުރުގެ ވޯޓުލުން އޮތީ 19 ނޮވެމްބަރ 2024ވީ އަންގާރަ ދުވަހުއެވެ. އަދި ފުރަތަމަ ބުރުން ސައިންސް ކުލަބުގެ ޖެނެރަލް ސެކްރެޓަރީގެ މަޤާމަށް ކުރިމަތިލީ ދަރިވަރުންގެ ތެރެއިން އެންމެ މަތިން މާކްސް އެއް ކުއްޖަކަށްވުރެ ގިނަ ކުއްޖަކަށް ލިބުމުން، މި މަޤާމު ޔަޤީން ކުރުމަށް 20 ނޮވެމްބަރ 2024ވީ ބުދަ ދުވަހު ވަނީ ދެވަނަ ބުރެއްގެ ވޯޓުލުން ބާއްވާފައެވެ.
އިންތިޚާބުގެ ނަތީޖާ އިޢުލާން ކޮށްފައިވަނީ އެކަމަށް ބޭއްވި ޚާއްސަ އެސެންބްލީއެއްގައި 21 ނޮވެމްބަރ 2024ވީ ބުރާސްފަތި ދުވަހުއެވެ. ހުޅުދުއްފާރު ސުކޫލުގެ މިފަހަރުގެ ކެޕްޓަން ކަމަށް ހޮވިފައިވަނީ ގުރޭޑް 12ގެ ދަރިވަރު އައިޝަތު ޝައުރާއެވެ. އަދި އޭލެވެލްގެ ވައިސް ކެޕްޓަންއަކަށް ގުރޭޑް 12ގެ ދަރިވަރު ނާއިފާ ޢަބްދުﷲ ހޮވިފައިވާއިރު އޯލެވެލްގެ ވައިސް ކެޕްޓަންއަކަށް ހޮވިފައިވަނީ ގުރޭޑް 10ގެ ދަރިވަރު މާޛް އާދަމް ޒާހިދެވެ.
ހުޅުދުއްފާރު ސުކޫލަކީ އޭ ލެވެލްއަށް ކިޔަވައިދޭ ސްކޫލެއްކަމުން، ކޮންމެ އަހަރަކުވެސް ސްޓޫޑެންޓް ކައުންސިލް އިންތިޚާބު ބާއްވަނީ ނޮވެންބަރު މަހުގައެވެ. އެއީ، ގްރޭޑް 11 އަށް އަލަށް ގުޅޭ ދަރިވަރުންނަށް ފުރުސަތު ދިނުމުގެ ގޮތުންނާއި، އޭ ލެވެލް އަދި އޭއެސްލެވެލްގެ އެގްޒާމްތައް އޮކްޓޫބަރ މަހު ކުރިއަށް ދާތީއެވެ.
ހުޅުދުއްފާރު ސުކޫލުގައި ވޯޓްލުން މިފަހަރުވެސް ކުރިއަށް ގޮސްފައިވަނީ، އިންތީޚާބަށް ފަރުމާކޮށްފައިވާ ޚާއްޞަ ސޮފްޓްވެއަރ އެއް ބޭނުންކޮށްގެން، އޮންލައިންކޮންނެވެ. މިއީ މިގޮތަށް ސޮފްޓްވެއަރ ބޭނުންކޮށްގެން ވޯޓްލުން ކުރިއަށްދާ 3 ވަނަ އަހަރެވެ. މި ސްފްޓްވެއަރއަކީ ހުޅުދުއްފާރު ސުކޫލުގެ އައިޓީ ޓެކްނީޝަން އަޙްމަދު ސުނިލް އަދި ލެންޓާންގެ ހެޑް އޮފް ޑިޒައިނިންގ ހުސައިން އަފީފުގެ އުފެއްދުމެކެވެ. މިއީ ވޯޓްލާ ނިމުމުން އޮޓޯއިން ރިޒަލްޓް ޖެނެރޭޓްވާގޮތައް ފަރުމާ ކުރެވިފައިވާ ސޮފްޓް ވެއަރއެކެވެ.
ހުޅުދުއްފާރު ސުކޫލުގައި ހިންގޭ އިތުރު ހަރަކާތްތަކަކީ ދަރިވަރުން ލީޑް ކުރާ ހަރަކާތްތަކެކެވެ. އަދި މަޤާމުތަކަށް ހޮވޭ ދަރުވަރުން އެ ދަރިވަރުންގެ މަޤާމުތައް ހަރުދަނާކަމާއިއެކު ހިންގުމަށް ހިތްވަރު ދިނުމުގެ ގޮތުން ކޮންމެ އަހަރަކުވެސް، ސްޓޭޑެންޓް ލީޑާރސް އެޕްރިސިއޭޝަން ނައިޓެއް ބާއްވައެވެ. އަދި އެ ނައިޓްގައި އެ އަހަރުގެ އެންމެ ރަނގަޅު 5 ސްޓޫޑެންޓް ލީޑަރސް ހޮވައެވެ. އެންމެ ރަނގަޅު ލީޑާރސް ހޮވުމުގައި ބަލަނީ އިސްވެ އުޅުމާއި، އަޚްލާޤާއި، ޔުނީފޯމް ކޯޑް، އެޓެންޑެންސް، އަދި މަޤާމުގެ ޒިންމާއަދާކުރުންފަދަ ކަންކަމަށެވެ.
މިފަހަރު ހުޅުދުއްފާރު ސުކޫލުގެ ބޮޑީސްގެ މަޤާމްތަކަށް ހޮވިފައިވާ ދަރިވަރުންނަކީ:
ސުކޫލް ކެޕްޓަން:
އައިޝަތު ޝައުރާ (ގްރޭޑް 12)
ސުކޫލް ވައިސްކެޕްޓަންސް:
އޭލެވެލް: ނާއިފާ ޢަބްދުﷲ (ގްރޭޑް 12)
އޯލެވެލް: މާޛް އާދަމް ޒާހިދު (ގްރޭޑް 10)
ހައުސް ކެޕްޓަންސް އަދި ކުލަބް ރައީސުން:
އިއްޒައްދީން ހައުސް: ޝުބާ އިބްރާހީމް ނާޒިމް (ގްރޭޑް 10)
ދަންޑަހެލު ހައުސް: އައިޝަތު ސަރާ (ގްރޭޑް 11)
ތަކުރުފާނު ހައުސް: އައިޝަތު މަރީޝާ (ގްރޭޑް 12)
އިސްކަންދަރު ހައުސް: ފައިހާ މުޙައްމަދު ފަރުހާދު (ގްރޭޑް 11)
ހިއުމަން ރައިޓްސް ކުލަބް: މަރިޔަމް އާލިޔާ (ގްރޭޑް 12)
އައިޓީ އެންޑް މީޑިޔާ ކުލަބް: މުޙައްމަދު ޒާހިލް ޒުހައިރު (ގްރޭޑް 10)
ސްޕޯޓްސް އެންޑް ފިޓްނަސް ކުލަބް: އަހްމަދު އަހްނަފް (ގްރޭޑް 11)
ބިޒްނަސް އެންޑް އާޓްސް ކުލަބް: ހުސައިން އިޝާމް (ގްރޭޑް 11)
ސައިންސް، ހެލްތް އެންޑް އެންވައިރޮމެންޓް ކުލަބް: ޙައްވާ ޒާހީ ޒާހިރު (ގްރޭޑް 10)
ލެންގްއޭޖް އެންޑް ކަލްޗަރ ކުލަބް: އިފާ އިސްމާޢީލް (ގްރޭޑް 12)
އިސްލާމް އެންޑް ޤުރުއާން ކުލަބް: ފާޠިމަތު ސަމާ (ގްރޭޑް 11)
ހައުސް ވައިސް ކެޕްޓަނސް އަދި ކުލަބް ނައިބް ރައީސުން:
އިއްޒައްދީން ހައުސް: ފާޠިމަތު ނައުޝާ (ގްރޭޑް 10)
ދަންޑަހެލު ހައުސް: މުސްޢަބް ބިން އަޙްމަދު (ގްރޭޑް 10)
ތަކުރުފާނު ހައުސް: އަޙްމަދު މާއިޝް (ގްރޭޑް 10)
އިސްކަންދަރު ހައުސް: ހައްވާ ލައިޝާ (ގްރޭޑް 10)
ހިއުމަން ރައިޓްސް ކުލަބް: އައިޝަތު ޔަޝްމީ ވަސީމް (ގްރޭޑް 11)
އައިޓީ އެންޑް މީޑިޔާ ކުލަބް: ޚުޝުއާ ހަސަން (ގްރޭޑް 10)
ސްޕޯޓްސް އެންޑް ފިޓްނަސް ކުލަބް: އަލީ ހަމްދާން (ގްރޭޑް 11)
ބިޒްނަސް އެންޑް އާޓްސް ކުލަބް: ޝިއުރާ މުޙައްމަދު ޝަރީފް (ގްރޭޑް 11)
ސައިންސް، ހެލްތް އެންޑް އެންވައިރޮމެންޓް ކުލަބް: މުޙައްމަދު ރިޒްވީ (ގްރޭޑް 10)
ލެންގްއޭޖް އެންޑް ކަލްޗަރ ކުލަބް: މުޙައްމަދު ޝާމް އަޙްމަދު (ގްރޭޑް 10)
އިސްލާމް އެންޑް ޤުރުއާން ކުލަބް: ފާޠިމަތު ހިމްނާ ހުސައިން (ގްރޭޑް 9)
ހައުސް އަދި ކުލަބް ޖެނެރަލް ސެކްރެޓަރީން:
އިއްޒައްދީން ހައުސް: އަޙްމަދު ޒާއިން މުޙައްމަދު (ގްރޭޑް 8)
ދަންޑަހެލު ހައުސް: އައިޝަތު ލައިހާ (ގްރޭޑް 8)
ތަކުރުފާނު ހައުސް: އުލްޔާ ނާޒިމް (ގްރޭޑް 9)
އިސްކަންދަރު ހައުސް: މުޙައްމަދު އަބާން (ގްރޭޑް 10)
ހިއުމަން ރައިޓްސް ކުލަބް: އަލީ އަޠޫފް (ގްރޭޑް 9)
އައިޓީ އެންޑް މީޑިޔާ ކުލަބް: ނާސިފް މުޙައްމަދު ވަސީމް (ގްރޭޑް 8)
ސްޕޯޓްސް އެންޑް ފިޓްނަސް ކުލަބް: ލޫތު މިޝްޢަލް (ގްރޭޑް 8)
ބިޒްނަސް އެންޑް އާޓްސް ކުލަބް: މަރިޔަމް އައިކާ (ގްރޭޑް 8)
ސައިންސް، ހެލްތް އެންޑް އެންވައިރޮމެންޓް ކުލަބް: ފާޠިމަތު ރީޝަމް (ގްރޭޑް 8)
ލެންގްއޭޖް އެންޑް ކަލްޗަރ ކުލަބް: މަރިޔަމް އަލްސާޢު ޢަބްދުﷲ (ގްރޭޑް 8)
އިސްލާމް އެންޑް ޤުރުއާން ކުލަބް: ފާޠިމަތު އާޔާ ސައީދު (ގްރޭޑް 8)
